Инвестициялық тартымдылықты жақсарту мақсатымен, қазіргі қолданыстағы заңға сәйкес, “Ақтау теңіз порты” АЭА қатысушылары үшін салықты төлеуден босататын (корпоративтік табыс салығы, жер салығы, мүлік салығы, импорттық тауарларға  ҚҚС, импорттық кедендік баждар, жер телімін пайдалану ақысы) бірқатар жеңілдіктер қарастырылған. АЭА аумағында АЭА қатысушы-кәсіпорындарға кедендік баждарды, салықтарды және тарифтік емес реттеу шараларын қабылдамай, өз қажеттіліктері үшін тауарларды қабылдауға мүмкіндік беретін кедендік режимдер де бар. Сондай-ақ, мемлекет қатысушылардың қосымша қаржы жүктемесін артпай, өз жобаларын бірден бастап кетуі үшін, барлық қажетті инфрақұрылыммен қамтамасыз етеді.

Салық және кедендік жеңілдіктер:

Бiздiң артықшылықтар:

• Шетелдік жұмыс күшін тартуға жеңілдетілген рәсім 
• Салықтан босату және кеден баждары
• Мемлекеттік қаражат есебінен инфрақұрылымды салу
• Ресей, Беларусь, Армения және Қырғызстанмен бірыңғай кедендік кеңістік;
• Каспий теңізінің жағалауында, ТРАСЕКА, Солтүстік-Оңтүстік көлік дәліздерінің қиылысында тиiмдi географиялық орналасу;
• Қолайлы бизнес-климат, инвесторлардың құқықтарының қорғалуы;
• Жобаның жүзеге асырылуының барлық кезеңінде көмек көрсету.